今日自己一個北上, 原本以為有好多野做, 不過最後格價之後感到失落, 或者就快春節了, 好多廠家都掛住搶錢, 個報價都係開天殺價, 所以格價都係網上面攪店好過, 傾好左先北上…..
好在今日都有實物拎番香港, 就係快閃記憶體, 即係手指, 買完野之後就去左剪頭髮, 依家係大陸剪頭髮一點都不平, 58元一次人仔, 為番港紙成65元一次, 係香港邊到整都得, 不過我今次去個間我又點會俾佢賺…佢有卡仔, 5次都係148元, 即係30元一次, 肯定平過香港我先會幫襯, 講番間野的裝修, 真係幾好, 朋務都OK….個師傅都唔係太差, 起碼會明我講咩….
不過原來整一個頭髮都成2個鐘, 洗剪吹咋, 係香港35分鐘已經俾多你了, 整左2個鐘, 時間都無咩了, 所以去左拎埋揮春就番香港同瑜吃飯, 仲有就係有緊要野拎俾佢…..唔係都唔使咁趕, 咁之後就去左品香樓食, 都係一貫水準, 無令我地失望, 下次都可以再吃過, 仲有好多餐牌上面的食物未食過, 我地次次都係食3個….唔知幾時先可以食哂成個餐牌的野呢….
|
