做完一日辛苦的勞改工作, 我最開心唔係有得休息, 而係有得洗白白, 因為整左成日野, 會好污糟, 所以洗個熱水涼就好開心了, 洗白白等於一日的工作結束, 可以relax下....點知....

ken洗洗下就話無左熱水, 唔知攪左咩, 一陣又有番, 我洗緊衫的時候都有熱水的, 不過我一開始洗頭, 就斷斷續續咁無熱水, 到洗身的時候, 就全凍水, 可以想一下係市區都係13度, 係新界, 我估夜晚八點幾應該都係得10度左右, 沖凍水.....幾high就可想而知啦~~~之後都唔知有無洗乾淨, 就算了, 唔沖了, 仲慘過遊冬泳....

之後食完飯去左幫家姐買野, 本身用左張label抄底左, 不過最後無帶到, 好在家姐係我回去之前無發現, 唔係一定省到我上天花板, 寫左又無帶去....佢叫我買既野, 要咩無咩.....一係就勁貴...都唔知點算...自己出去買野無理由打番俾人問長問短....自己揸主意好了...最後都買到成既, 因為有一些真係太貴, 買唔落手....

本來打算訓的, 個電話又係咁震....好在自己無聽, 唔係一陣心情唔好, 影響到對答就唔好啦, 因為大家都係生意partner....