今日一早就俾姐係度煮早餐而嘈醒左, 食得早餐左整整, 右整整, 都成10點先開波, 續尋日的工作, 就係做3/F的浴室地面工程, 明知今日會早走, 因為D料都唔夠, 不過今日比我地預期更早收工, 係因為我隻手俾水泥整到乾哂爆拆, 爆到出血....我宣佈我收皮之後, KEN都話個雲石鋸都收左皮....所以就提早左執野, 洗白白, 之後就去左拎野....

頂佢個肺, 第五次啦, 今日第五次拎, 都拎唔到, 都唔知係咪靠害, 車錢唔使咩, 仲話寄俾我,寄俾我有事我都要照去找你, 即係廢既....不如面對面攪....唉...唯有睇星期日, 如果唔得佢應該都無話可說了....

今日買左好多花生糖俾瑜, 我覺得呢檔野的花生糖真係幾好食~~不過買左第一次, 整完野想買第二次的時候, 已經唔見左, 本來想打俾佢, 不過無理由買糖食都打俾人, 唯有下次經過的時候買多點啦, 哈哈......

晚上同煒, 瑜食飯, 不知不覺同佢講野都大聲左, 依家個喉嚨仲有點痛, 今日買左D藥俾瑜看門口, 唔好次次真係病左先食葯, 個時仲有鬼用咩....? 食定打底點都好過病左先食葯既.....