今日應剩左家姐會入去元朗勞改, 唉, 要九點半入到去, 我都已經早左好多起身,不過我入到去唔係無電腦, 不過唔係自己個部點都有少少唔慣, 所以一早就打哂積壓的日記,望下個鐘,以為時間剛剛好啦, 點知去到地鐵先記得係返工時間, 勁多人呀, 等左兩班車先上到, 唉, 真係邊個瘦身代言人都唔店, 點都入唔到, 因為成架車就好似沙丁魚咁,緊到插針都插唔入.....

九點半終於入到元朗, 係呀, 係元朗, 不過唔係錦繡, 都未過兩分鐘, 就俾我家姐打巴x到我上天花板...我家姐永遠就係咁, 得勢不饒人....過左15分鐘入到去, 不過佢火氣過左, 都仲有野食俾我....豐富到不得了的早餐, 好耐無食過早餐了, 因為早餐食完怕自己懶, 所以就可免則免, 不過今日都ok, 因為預左會有體力勞動, 不過講同做都係兩回事, 到最後好HEA就完成左一天, 本來想做3樓的工程, 不過電俾KEN CUT 哂, 所以就可以休息了...哈哈...

晚上就煮左粥, 因為唔想出街食, 用屋企少少的資源整的, 都整到一個粥, 一個雞翼, 真係唔到我家姐唔服...哈哈?