倒數了, 仲有2日就到姐的結婚大日子了, 今天我同姐, 媽咪去左行街....唉, 同兩個女人行街, 做得最多的事, 就係講好, 唔好, 靚, 唔靚, 同埋做賓仔, 拎野~~不過最多最多的都係等....因為佢地個d女人野我都唔識, 只有呆等....

今日下午先去行, 所以好多野都要好急咁決定, 咁樣我已經企到好慘了....好像係買手飾的地方, 就可以企左成2個鐘...差不多件件首飾都俾媽咪同家姐試過哂....哈哈, 我就件件都要講好同唔好....我講講下, 件件都話好, 件件都話靚, 等佢地快點買完, 快點可以走得....今晚買龍鳳被先好笑, 先知佢同我講個間跟本上都唔係同一間....我講東, 佢就去左西個間, 唔怪之得我地講既野差距咁大啦....佢話無SERVICE, 我就話好好SERVICE, 佢話無價講, 我就話大把空間講....一條街, 都可以有兩個不同買賣的版本....哈哈, 都吾明點生存...

晚上番屋企有個家庭會議, 講有什麼做, 時間等等.....期待個日的婚禮....哈哈