比預期早左一天收到花車上的花球, 應該開心既, 不過因為花球, 同瑜嘈左....好似好唔抵咁....早知拎錢出去買都可能唔使咁辛苦, 最多唔俾家姐知道, 我拎錢出去買, 又唔使同瑜嘈, 一家便宜兩家著.....

不過唔嘈都嘈左了, 希望瑜會明白我本來就係易開心同易唔開心的人....好快就無事, 好似小朋友咁...哈哈... 今日見到瑜的朋友, 真係聞名不如見面, 真係豬精一名, 同距講一d skills, 講哂steps俾佢知, 佢都可以話好複雜....真係無奈....

今日同升爺去左行西裝, 唔行都唔知, 同一間店都可以一間有disscount, 一間無...仲要個距離有400-500元...即係成50%的差距, 都唔明係咪想谷起一間店的營業額先咁做....跟住晚上同姐食飯, 今餐有蝦, 有石班, 有雞, 有豬, 仲有魚湯....都幾豐富下...間野都幾grand, 不過埋單都係157, 因為有300元免找數簽帳...哈哈哈哈.....不過最攪笑就係我地食西瓜之後, ken用牙簽係個食剩的西瓜皮上係咁拮, 我地話係咪幫佢針灸個西瓜....呢個小動作好攪笑......