今日收到個新任務, 就係幫姐整佢個花車, 唉....我都唔識, 之前我的豬朋狗友都係買現成的, 都無人整, 不過姐叫到....點可以托佢手踭呢, 所以周圍找人問有無得整....

今晚瑜拎湯俾我飲, 次次瑜拎完湯, 我好少即刻飲, 放係屋企個雪櫃, 到想飲個時先飲, 不過係雪櫃的湯唔知係咪愈耐愈好飲, 之前我聽人講隔夜的湯最純, 最好味, 所以我有習慣飲隔夜的湯....呵呵, 今晚買左好多旦糕俾瑜, 因為佢今日打俾我話出去食m記, 唉, 食咁多都無益啦, 又哂錢....呢個先係主要原因....所以我買左好多嘉頓旦糕仲有包, 應該都夠佢食半個月了, 全部都吾同味, 睇下邊種好食, 下次可以買....哈哈

之後今晚同瑜講多兩句, 有人發老脾, 連錢都吾要, 掉左係地呀, 好在我返轉頭執番, 唔係益左人, 真係唔抵啦...不過嚇下瑜, 佢的反應都幾大...依家佢都覺得錢的重要性了, 之前闊佬懶理....依家近豬者笨, 近我者叻...哈哈