今日是姐的結婚的日子, 不過沒有預期咁開心, 因為今日我成日都係俾人呼喝之中, 所以大好的心情都變得氣憤難平....

尋晚番到屋企, 本來打算訓覺的, 不過姐同埋ken話要我上網找致詞的台詞, 找左起碼3個鐘先可以拍板, 原來唔拉搵都唔知, 好多都係網上面copy出黎, 不過版本都係3-4個, 其他都無咩特別....大陸個邊仲衰, 得2個版本, 唉....訓得個2個鐘, 好過無訓, 不過今日ken同姐兩個都唔使指意訓, 如果我係佢地, 我就真係訓唔著了, 今日上午接新娘都無咩特別野, 只不過好多bro都遲到, 令個時間好似少左好多....之後接新娘, 家姐個邊的sis都幾變態, 同埋開門利是死拖難拖, 唉, 咁恨錢, 唔好去槍, 今日我同升仔的角色的幾尷尬, 又唔係幫男家, 又唔係幫女家, 不過甘都好點, 可以好像睇戲甘....

今日有多一對新人係同一間酒店, 同一個時間出發去男家, 所以好多位置, 已經俾人霸左, 我地個運作就唔係好順暢, 如果有機會攪下一次, 真係同一個地方, 都要做定reserach,睇下有無其他人攪, 之後為左個花車點解無佈置, 我又俾人省左餐, 又頭到尾都無人同我講, 大個架花車要佈置, 之後姐走左之後, 我又要幫佢安排升仔回去cut歌做background music, 之後仲有function music, 又要執房check out, 執房入面既野, 有幾多野.....之後我地夜晚走, 一架私家車, 除左兩個人坐到之外, 全部都係野....已經有一部份係使用左.....我行左幾多次, 可想而知...check緊音響又俾人叫左去買花球, 唔check今晚用唔到, 一定俾人xxx.....唉, 我執好哂野, 放左貴重野去保險箱先走.....點知....

買襟花, 又唔知地點, 姐話第一層, 媽咪就話第二層.....我都唔知名...都唔知邊間打邊間....唉...又俾人話我做得慢, 我要知先得架....跟住俾人order要去買西餅, 同升仔買完襟花, 一人拎住兩盒西餅, 又等酒店張receipt, 唉, 個sales又話幫我放左係前台, 都無,,,,等等下, 又俾人叫左上去, 搵野, 我以為只係叫我上去開保險箱, 點知n樣野叫我做, 未做完一樣又做另一樣, 叫左人地幫我做, 家姐就以為我無做....我唔叫第二個做, 自己會分身都唔店啦....唉....有幾次真係想打餐佢, 條氣唔順, 我個一刻都未食飯呀,洗手間都未得閒去呀....有邊個幫我先....唔幫不得止, 仲要串串貢....

跟住個background music仲好笑, 酒店又話會有音樂總監幫我地攪, 成晚得個部長, 個部長又要service我家姐, ken又要顧音響, 真係識分身咩....所以好多音樂都唔可以係合適的時間做到...呢種死貓又係我同升仔食埋.....俾人話左成晚, 真係氣頂都頂點, 所以敬酒個時, 俾姐講多兩句, 我真係唔想再郁了...因為多做多錯, 少做少錯, 唔做唔錯.....

好多野如果唔係媽咪係身邊, 我真係好想拎野走左去算數, 咁委屈邊個知...

不過今晚我地做事後檢討, 唉....打死不離親姐弟, 我地嘈, 或者打架, 都係親者痛, 仇者快既事, 今晚嬲左成晚, 不過兩三句話, 就好像什麼事都沒發生過似的....