依家的時間好似日夜調轉咁, 我夜晚做野, 早上訓覺, 平時平日都話幾好, 因為夜晚可以同瑜聊下天, 不過當佢放假的時候, 好難將時間調番轉, 因為慣了夜晚生活的人, 好難一下子就變回早上生活....
 

今天本來等瑜2點鐘陪佢去之前做野的公司拎番佢的糧,不過等下又等下,11點多就訓著了, 點知一醒就係下午的四點多, 發現好多人找過我.....本來自己打算訓一陣, 點知我細佬又以為我累得濟自己無開冷氣,幫我開埋, 唔怪之得咁好訓,因為平時熱, 訓一陣就會自己熱醒左, 今日講咩都好似係借口...俾人省左餐...唉, 都幾無辜架我.....
 

今日係ssp行左陣, 食左個hi-tea, 之後去旺角行左陣, 今日其實都好似未訓醒, 依家都唔知自己做過咩....不過見到洗面既野, 同埋盒牙粉就知自己今日出街買過野....哈哈...咁洗錢真係唔知數....晚上搵店食飯, 都幾頭痕, 係旺角搵野食, 又要好食, 又要舒服, 又唔想排隊, 又要抵食...七除八扣都唔係得番好多可以揀.....今晚去左fancy成日係佢日記提的沙嗲王, 其實我都未食過....哈哈, 不過次次見都好似好多人排隊, 不過今晚去都唔使點排, 睇下menu, 一陣就入得去, 瑜出名要背餐牌的...所以等一等俾佢睇下有咩想食都係一件好事....哈哈...
今晚一入去到, 旁邊的台就係一台自遊行, 我地去到佢剛埋單, 俾左10元現金劵我地, 瑜仲同人地講多謝, 應該叫佢地多謝我地就真, 我地幫佢要左張coupon...哈哈....跟住今晚瑜應該好飽, 我就留肚番屋企食飯...因為我一唔係屋企, 屋企就會亂龍, 俾我老豆煮滿漢全席...所以今晚都好在趕到回家阻止我老豆.....最近俾我老豆封左我做"管家仔", 因為餐餐都食得飽, 無餸剩....哈哈