今日姐又黎屋企做大龍鳳, 其實都會知佢會黎, 不過估唔到會係有好多好多套衫要改...哈哈...因為我家姐太矮的說, 見到佢對高跟鞋成3寸, 見到都辛苦, 好彩我唔係女人, 唔使受呢D苦.....
 

女人去試衫, 我同爸爸就去HI-TEA, 不過話就話HI-TEA, 但係都叫做全日第一餐, 所以見到D好細件的野, 西多, 面, 都無咩興趣, 所以我看飯的MENU, 叫左一個日本鰻魚豬扒飯, 如果呢間野唔係近我屋企, 我真係會永久BLACKLIST佢, 因為上次食好似有點霉味, 不過太餓吃了半個, 說人家霉好像不太好吧...今天的飯都是令我失望, 鰻魚最多都是得正常冰鮮的1/5, 豬扒粉太厚, 汁咸到死.....不過姐見到我塊豬扒大塊就以為好野, 不過我都係啞巴吃黃蓮, 有苦自己知....所以下次都係行遠點吃....
 

之後同媽咪去試衫, 媽咪試中式的, 不過佢的眼光真係...差....所以就叫我去幫眼, 揀左幾件佢全場叫最好的, 不過只可以叫一般, 唔可以叫靚, 不過姐俾了錢, 唉, 將貨就價...行到落樓下先知有件仲好, 不過依家都揀定左, 就無謂左想右想了...本來仲想行多一陣街, 但係爸又話叫我地行超市, 等我地番左去, 佢又話唔行, 真係俾佢吹漲....媽咪即係變臉, 如果唔係大街大巷, 同埋今日試完衫, 佢真係會當街鬧爸爸一餐....