今日忙完之後, 瑜明天放假, 今天晚上同瑜食下飯, 今晚行左去荔枝角買酸野, 我食酸野特別好記性, 唔食好似個腦差咁D野, 就算想野都無想得咁盡...所以酸野就好似我的聰明葯, 多吃有益...不過成日俾人串我話我有左...嗯....有左腦, 佢地無既, 所以羨慕我....哈哈, 不招人妒是庸才...俾我發現在網上傳說中的山竹乾, 不過網上話好食, 本來我都唔想買, 佢地話好酸, 先引到我的興趣去買...食左一粒之後, 真係好想叫佢回水....

之後去打邊爐, 間野係我屋企附近, 之前媽咪都叫我黎試, 不過我成日都唔得閒, 同埋我地打邊爐有指定的場地, 所以都唔會黎.....今日一試, 真係搵笨, 叫左個蝦肉雲吞, 牛肉, 雞, 粉腸, 豬潤, 生菜+油麥, 仲有豬骨湯底, 個湯底一元都抵既, 不過其他野真係勁唔抵, 牛肉加埋10塊都無, 仲要好好刀工個種...我係屋企食到嘔都可能唔使20元...之後D雲吞, 穿左都拎得上台...真係未見過....雞肉都唔做有無一兩...全部都勁輕巧, D菜就好好食, 因為豬骨湯同埋雞油所以煮到菜好滑....所以引發左之後件事我一D手軟的感覺都無...

佢拎左野黎應該會蓋印, 不過我地叫左6樣野, 不過佢就蓋左5個印, 所以可以屈佢有一個無黎, 之後本來係146的, 佢就拎左20元黎, 我就俾左佢130, 因為佢實收126, 不過我本來覺得無問題的....個收錢都無問題....點知我去完洗手間之後, 佢就要我俾番20元....個時我火都黎埋, 野食又屎, 什麼都差, 仲要我俾錢....所以就XXXX佢, 最後佢個經理都話我無問題, 道哂歉我先算數....

原來之後先知我真係俾少左20元人地.....所以今日賺左40元, 都要多謝豬精....我呢D惡霸就係惡就得, 無道理大聲就得, 做CS最無奈就係遇到我呢D人....哈哈