打呢篇日記得時候, 點都要讚一下自己, 今日好忙都可以分到身, 今日要去幫家姐拎貨, 又要去整番張卡, 之後又去左同爸買野.....哈哈, 3個分身....

今日起身之後,第一時間幫家姐拎野, 因為呢排佢咁忙, 我地做到幾多就幫幾多, 原本今日等埋升爺先去拎貨,不過我去拎個時, 佢仲咬緊豬扒, 所以都係自己去攪店先.....本來經過銀行想整左張卡先, 不過勁多人,依家銀行愈來愈少, 排隊排到死都有份, 不過提貨如果過左時, 一定會俾人鬧死, 所以先拎左貨左.....之後拎貨個時, 爸又打電話黎話同我買野....本來叫升爺幫拖, 點知都係咬緊豬扒中...唉, 先提左貨返屋企, 之後拎張卡, 本來以為攪好耐, 點知....15分鐘就攪店了....之後仲可以安安落落咁吃個HI-TEA....哈哈...

今晚煲左栗子雞湯, 不過成隻雞好似好浪費咁, 因為煲得太耐隻雞都唔食得, 爛哂D肉, 所以先起肉, 原來依家我起一隻雞的肉都係10分鐘, 比上一次快左5分鐘, 專業既都係呢個時間左右...哈哈,我都可以轉行去劏雞....

俾人串我話我煲湯好似滾水咁, 所以今晚10碗水煮成1碗水, 我唔信好似滾水咁...果然, 仲俾人話似隔夜湯, 好夠火喉...哈哈

今日拎左張電話卡俾瑜, 到時佢可以找到我, 唔係一陣又話找我唔到了.....不過瑜今日好似嬲爆爆咁...唔知咩事呢?