星期日瑜去左上班, 呢兩日都真係幾忙, 又訓得好少, 所以今日星期日想偷得浮生半日閒, 點知...

九點就俾媽咪用緊cool咒, 又話家姐回來, 又話飲茶, 又話點點點.....唉....想蓋住個頭訓啦, 唔鬼理佢, 佢就開住房燈...即係唔使訓者....一起身就唔想訓番落床...所以最後我都係認輸了....今日姐回來都是二件事 ,一係佢的相, 二係佢的婚紗, 兩樣野都幫佢唔到, 因為前者真係唔知佢放左係邊, 後者我對cutting無了解....所以就出左去霸位先....今日食飯專登拎多個紅湯, 上次唔夠分, 點知今日個個都唔飲, 最後仲剩一碗....

今日爸的心情唔好, 一早都知, 不過唔知會咁大鑊, 今晚中秋節, 就發生星球大戰了, 依家星球大戰唔同以前, 無人會喊, 講到幾大都無所謂, 因為大家都有左自理能力, 無話邊個靠邊個, 所以勢力一定均等, 今晚3對一.....爸爸慘敗....雖然佢唔認輸,但係....呢個都係公認的事.....