都唔使聽日, 凌晨5點幾, 就已經掛左8號風球, 真係信天交台一成, 都雙目可以失明, 今日本來約瑜去BBQ加埋去踐單車, 不過打風, 即係邊度都唔使去啦, 瑜仲話今日去同佢媽咪飲茶, 我就….唔好預我了….因為一陣濕左身真係搵黎攪….

凌晨知道個風會打一日, 之後去左訓覺, 打風等到風聲都真係好得人驚, 我地呢D住係石屎森林的都話有多重保障, 唔通成楝樓吹走咩, 不過聽到風聲, 個心都會離一離… 訓覺似乎係最後的逃避方法….訓醒先知原來瑜找過我好多次, 不過我都知佢想講咩….今日放假我都唔陪佢, 係唔係對厭左佢, 我唔會講骨痺的說話, 不過我想佢明白係就算佢放假, 佢都可以選擇點過, 唔一定係要同埋我過, 就算佢去陪佢朋友都係理所當然….這個是她的自由….

唔打風都唔知香港人咁乞兒, 成班人好似世界未日咁去超市, 又買罐頭, 又買米, 上倉咩, 反而我地呢D買少少野的, 好似好異相咁….依家想話人之前都睇下周圍有無人, 原來都好多同鄉, 想講野之前要FIRM左人地真係唔識聽你講咩, 唔係都幾尷尬….