今日一早約左瑜交收龜苓膏, 以為佢會遲到, 點知我又遲到啦…唉, 今日一早又俾我搵到個空子俾我鑽到, 我問佢知唔知意粉要加2元架…佢話下…我唔知架喎…俾著我一定會話我知呀, 咁又點呢…..呵呵…真係天真…真係好傻….

 但係最傻的仲係我, 今日瑜俾左兩袋野我, 我大熱天時, 係尖沙咀行到太子, 行左2個幾鐘, 之後去左旺角幫瑜買野, 一袋2袋野, 真係好狼狽下, 仲要係呢個時間下雨, 個天都真係幾識揀時候整古人, 不過我最失望的是枝涼茶拎到返屋企都已經酸左, 唔飲得了….唉…成枝要倒, 真係哂哂….之後下午想休息一陣, 姐又打俾我要入元朗, 今日本來都唔想入, 不過又要拎件旗袍俾佢, 又想拎埋部電視…其實後面個個先係我主要的目的, 不過唔可以俾人發現…..

最後我都係入面做左一個下午的勞改, 唉, 最後想運部電視出來, 點知真係九牛二虎之力, 不過真係唔搬都唔知原來部野成28寸, 我以為最多25寸, 真係超重, 我都拎唔起….我同KEN兩個人先搬得起…仲要好勉強…..之後送左我去西鐵再係美孚JOIN瑜, 去到佢屋企, 真係有種成個人散哂的感覺…因為隻手真係無力了….勞改得多…