凌晨時份, 我仲覺得自己好精神, 因為下午訓左一陣, 都係瑜的功勞, 佢訓我又陪埋佢一齊訓, 唔係我一定依家係咁放蚊了...不過依家的心情都不是太爽, 因為俾條友老點我係佢門口企左成個鐘, 仲要空肚等...愈等愈嬲...終於無等就走左...不過唔走佢都唔打俾我, 人就係咁賤...人等就無件事, 唔等就即刻打黎...

今晚成蠔真係好飽, 我起碼食左20幾隻, 呀瑜都食左1打....其他既野我都無咩留亳, 總之就全部放哂落肚就得啦, 不過今晚呢一餐都幾抵下, 4打蠔+炒蟹, 仲有炒魚肚, 仲有青菜都係125元~~

晚上返到訓覺之前, 仲有周圍找櫃員機提錢, 如果提到錢我估我會去惠州, 帶瑜去行下, 上次話今次, 今次話下次, 下次都唔知幾時...

中午返左香港行街, 同瑜細佬行街, 但係估唔到佢真係話喊就喊...話笑就笑, 小朋友真係....

今日行街突然間見到我家姐...我即刻想帶住呀瑜走, 不過家姐都無叫我, 可能佢都睇我唔到, 如果我突然間走, 咁咪仲易俾佢發現?不過今日的行為我知對瑜去講好像唔想俾佢見我家姐咁...但係...我想佢遲下就會明....今日呢件事應該用遇見定係撞到好呢?