今日起身好奇怪點解會聽到女人聲, 看下個鐘, 我以為係我姐, 但係無理由, 佢次次黎我屋企, 都會第一時間入房叫我起身, 一係就係咁share....搖到我無覺好訓先安樂...之後就出去睇下...原來係媽咪, 呢個時間佢應該唔係屋企....點解今日會係度...因為黑雨...不過講緊下午去邊玩的時候...黑雨就無左....大家就各自做自己既野...

一睇未接來電, 有20幾個未接來電, 有19個係瑜打俾我...無奈...有咩咪傳信息俾我...係咁打俾我做咩呢,唔知係唔係為左聽歌呢?原來佢想同我講黑雨唔使返工, 話今日可以早點去玩, 點知出到去個陣佢又話公司叫佢番去, 不過工作要緊, 本來我想上去先, 但係自己早點上去都係使多點錢....所以今日下午去左勞改, 又可以做多點工作, 又唔使使咁多錢, 一舉兩得~~

晚上做完今日的工作, 之後就上左大陸, 約左瑜係落馬州等, 不過今日好大雨,  上到上面仲大雨左好多,  本來想係皇崗搭車去樟木頭, 不過可能太夜無車, 所以去左羅湖搭火車, 好耐無坐火車去樟木頭了, 之前坐火車應該係同瑜去廣州的時候, 但係今日坐火車都不自覺有好多感慨....好多都係3年前自己的笨.....今晚到了樟木頭....一個地方你就算幾熟, 3年時間就什麼都好像不同了.....時間流逝似水....只可以用一句珍惜眼前人來安慰自己