今日本來約左瑜食早餐, 同俾埋張電話卡同儲值卡佢, 不過今朝起身打左幾次電話俾佢, 佢都無聽到, 本來的推測可能佢聽唔到電話, 不過好快我就打左3次, 否定左我之前的想法, 可以肯定佢一定唔知醒, 咁我都可以訓多陣, 所以就無係屋企食, m記就攪店左一餐~

返工都幾狼狽下, 因為今日要拎住件燙好左的制服, 同埋一大袋飲品, 因為我要幫同事買, 機場就算職員餐廳都幾貴下, 一罐坊間2元的汽水, 係呢度都可以賣6元, 足足有200%的暴利,仲未排除佢有批發的水位....成本之低, 利潤之深, 都幾令人側目, 呢d生意又真係唔怕做....

今晚要OT, 其實話就會俾番OT錢, 不過我都唔想, 因為時間哂左俾佢, 自己都可以搵得番...