今日起身,  好似連前日個賤人的樣都想唔到...可能我自己唔係想像中咁記仇...

今日同同事傾番呢個人的事, 好多同事都話千奇唔好打佢, 俾佢打你, 之後就報警, 我個心又舒服左好多...因為真係無必要同佢打架, 就算可以甩到身, 都唔想煩...根據香港法例, 一般沒有武器情況下, 進行打鬥, 歐打行為, 一經簡易治罪條例定罪, 可以罰款2000元, 不過我今日又無左呢個衝動去打佢了....

見到呢個賤人都係一個好戲劇性的地方, 就係我自己帶飯, 個賤人係我前面, 背向住我, 我知佢存在, 佢唔知...之後就講我是非, 當佢講到話俾新人哈, 個個都估緊邊個邊個....我就講左一句...佢講緊我....唔知佢當時的心情係點呢...?或者佢好驚我係個度同佢嘈...不過唔會...因為我已經唔嬲了....之後有個女同事就話我唔arm...我就同佢講番件事, 佢哦之後就問我點解剛才唔講, 我話d人咁賤, 我怕講左出黎, 我食完d飯會嘔出黎...女同事就話, 你自己岩怕咩同佢講...

其實岩同錯, 依家我都唔係好執著...或者我無左之前小朋友的銳氣....