尋日的考試無難度, 就唔表示日日的考試無難度, 今日的考試除左航空保安條例之外, 仲有爆炸品組件處理, 組成, 依家叫反恐, 但好似自己做左恐怖分子咁, 無辨法啦, 呢個世界永遠係道高一尺…魔高….所以做既野真係都幾有限, 同埋無奈, 但係自己都要盡做, 希望做到幾多, 幫到幾多人就幾多人啦….

有時真係唔可以唔信呢個世界真係可以好邪, 今日放學, 識左個新同學仔, 教我整椰汁mose cake佢唔講我又真係唔知原來一點面粉的成份都無…聽到個一步都真係幾呆, 仲以為佢講笑, 不過原來佢做廚師既, 都無得自己唔信啦….但係最邪就係佢個女, 原來就係笨瑜係msn相上面個個…一模一樣, 不過如果見到個爸爸個樣, 就會好難想到佢有個咁可愛的女, 佢成日話個b好肥, 不過bb唔肥, 幾時肥喎, 仲要係女仔, 如果肥,邊有人要喎,依家可能係一生之中唯一可以俾女仔值得驕傲咁肥…呢種叫肥得可愛, 而成人就叫肥得樣衰….

b女俾人串叫做呀巨, 雖然未見過真人, 不過睇相就已經好開心了...有機會都想met下佢, 同佢玩下....