突然間今日俾好多人眼紅我.....唉~!都唔明白d人點解咁鐘意搬弄是非....

件事係咁既....今日食lunch的時候,  我為免笨瑜成日話我溝女, 所以lunch都係自己一個坐開食, 身邊無男仔女仔, 只是有一面面向南跑道的桌子一個人食飯...起初班女仔叫我一齊坐, 我就話對住跑道都幾開心呀....佢地就話我傻,  我都唔明d人, 如果你唔鐘意呢樣野, 呢份工就會好hard, 我其實都好鐘意飛機, 覺得都幾型, 飛機師就無咩興趣,  其實咪高級的司機, 不過就係好多人鐘意呢種職業....主要都係因為出trip有免費酒店....

跟住來的是非就係我食完飯, 班女仔就因為我尋日做的introduction, 好想知我之前的工作係點...咁好正常,我都要有禮貌咁答番人....點知就俾人話我一個男仔點解同6個女仔一齊....大佬....無野講....只好講...我結左婚了...我有一個好愛好愛的太太....唉, 咁先肯放過左我,因為我右手有介指, 佢地仲好識貨咁講...cartier...我話你地都識?

今日自然流失了兩個....不過依家的我都未感受到任何可以對我有威脅的事和人....