兩個幾星期無見姐, 因為對上一次佢黎屋企找我的時候, 我累得濟, 訓左, 都唔知佢有黎過, 佢又無叫醒我, 所以都係今日飲茶的時候先知原來佢係我屋企偷過野....

今日姐話佢5月尾去澳州, 呢件都唔係咩新鮮事啦, 不過佢今日問你知唔知去個邊做咩架?我話唔知喎, 唔係去玩就係做生意架啦...佢問一下媽咪就話, 你無同佢講咩? 我一頭霧水...媽咪就話佢呢排都無咩點叫過我, 又無打俾我同我傾過....所以佢應該唔知....我以為有咩驚天秘密, 所以就好好奇發生咩事? 家姐就話我去個邊行禮....呆左3秒, 之後先有反應....下...唔係掛....

下, 你以為唔使去...我都未講野, 我就話咁媽咪佢地點呀? 家姐就話我地四個去咋, 其他等返左黎先攪, 唉....有不祥預感...原來要我地去個邊做賓仔...之後行街打算買老西, 不過都無咩岩心水, 雖然無咩收穫但係今日驗證左瑜個張七折G2000卡係work既....

晚上買左蟹同埋東風螺返屋企煮...本來想懶一點唔洗d蟹, 點知蒸左5分鐘, d蟹死哂個時, 打開個蓋....差少少暈左....因為好臭, 最攪笑係家姐, 拎張紙巾抺左d污糟野....無奈, 最後都唔可以懶, 要一隻隻咁刷乾淨, 之後用辣酒煮花螺...食到嘴郁郁!!

整親手....今日的遺憾...