你可以話我性別歧視。事實上，我覺得做男人係應該比女人更有上進心，同埋勇敢揹起更多責任。男人唔駛月經唔駛大肚唔駛生仔，咁，響其他既方面，係要做返多d架啦。

男人最驟忌係冇左把火。冇錯冇錯，今時今日呢個社會，機會變得越黎越少，要成功又變得越黎越難。咁，查實我最怕見到果d一遇到困難，就洩晒道氣既後生仔。徬徨人人都會有，之但係當個人徬徨既時候，係咪就要認命，放棄對將來既希望？

尋晚睇money cafe， 提過Obama講果一句"Dare to hope"。政客鍾意吹水，好多野得個講字唔可以當真。不過我鍾意"Dare to hope"呢一句說話。係呀，to hope，都要你夠膽先得。有時我見有d年輕既朋友仔，唔好話夠唔夠膽去「希望」，事實上係，佢地連去「希望」都懶。做人，連一d火都冇，其實都幾大鑊。