見鬼啦, 唔知呢排係唔係訓覺的質量唔好, 訓都算幾多,不過呢排睇野好似唔係好清楚咁, 有好多時都會睇錯...自己有時都懷疑係唔係自己近視深左呢...不過今日CHECK左, 應該無問題....都係20度左右...係唔係應該買多一點藍莓明目, 定係枸杞好呢????

點解自己都會發覺有問題, 係因為今天係九展見到一個女人, 我以為係瑜的5E媽, 仲想上去叫下佢, 不過都唔知係唔係, 好在傳左個信息俾呀瑜者...唔係都唔知點落台....但係個樣真係好似,不過個個女人會睇何超的,我想應該唔會係5E媽, 因為佢同我講剩係鐘意個D老歌手, 叫我有飛要預佢, 我梗會預...因為我D客好鐘意睇CONCERT, 一定要機會去睇既....死啦, 突然間好掛住佢地....

今晚本來以為架小巴要等齊人先開, 以為有排, 點知一個人都照出旺角,3個字都唔使就出到MK, 仲可以俾我掃下街, MK近先達個間的魚旦無以前咁難食, 可以再幫襯, 不過佢個度話4元一串, 6元兩串, 點解兩串佢收左我8元, 不過一邊同瑜傾緊, 所以都無同佢理論...

今晚的話題係結婚, 都真係幾多人想, 擺酒唔係即輿, 都要計成本, 如果我返我鄉下擺, 一定會蝕到入肉, 係香港如果平手都真係執番身采...無法啦, 因為我地家族太多窮人, 同埋太多人想痴....咩都唔想做, 就想有利益個種...唉...仲有金飾, 蜜月, 如果好古寒咁結婚. 我寧願唔結住....唔想一世俾人唱....