我呢幾個月BBQ都真係數唔清有幾多次, 總之有時間, 又有人一齊去, 兩個, 或者4-5個都會去...今天本來想同媽咪去BBQ, 順便可以去多幾個新的景點試下邊度好, 今次去的地方是舊咖啡灣, 環境一般, 個海唔係太靚, 可以望到好多船同樓, 唔講真係唔覺自己係郊區, 不過BBQ區真係幾好, 有雲石椅, 有水洗手,仲有個爐都幾大, 我想10個人燒都應該無問題...

係呢D地方就肯定有的就係-----黑店, 幫人起一個爐, 咩都唔包, 要50元, 我覺得, 起一個爐使唔使咁貴, 仲有唔包炭同炭精, 即係明搶....今日試左好多新野, 有八爪魚,雞腎, 仲有成斤重的雞排, 兩塊已經飽到上心口, 仲有就係思遠的發明, 燒士多啤梨...今日姐同KEN仲有升爺都大讚,話咁都有人想到, 真係好野.....突然間想到, 係唔係註冊左專利好少少.....

今日試左整爆谷, 之前都係見人整, 自己整都係第一次...不過第一次大火得濟, 濃哂, 不過我想下次細火一點, 應該無問題...

唉...今日用KEN部車, 差少少HIGH左人地部車, 個一下好似自己唔識開車咁, 可能太耐係香港無開, 係大陸我都從來唔會犯呢個錯誤, 有少少動搖係大陸買車好定係香港買車好呢... ?