感親...飲左杯感冒茶, 不過好似無咩用咁, 唉, 知道今次唔會就咁算, 一定要病幾天, 所以食左好多藥, 暈暈地咁,不過今日要整蛋糕俾細佬, 之前買左的芒果, 到今天點解仲可以咁酸既, 不過人地話酸會多一點維他命C, 感冒食多點會好一點, 用左10隻芒果(澳州的, 一隻500G)唔係呂宋個隻...連內涵都係芒果, 襯番細佬咁鐘意食芒果~

其實我之前都好鐘意食芒果,不過爸有一段時間拎左好多芒果回來, 整到我對芒果有一種不能磨滅的陰影, 所以芒果依家都係MA MA地~打CREAM個時最辛苦, 你食落去好軟, 好食就係因為打左好耐, 要打到企身, 時間就一定要有...打得快就唔好食....係喎, 都唔記得問你好唔好食?

買左兩件玩具俾細佬, 因為我細個個時好希望有人同時送兩個玩具俾我, 因為咁玩具先有伴, 唔會覺得悶同孤單~~希望細佬俾心機讀書, 玩具不過係人生的一小部份, 唔可以係全部....