同你講起SEX方面的事, 我發覺原來自己係你心目中係咁唔可信的..

或者,你講得我無錯,我係好應該一早同你講清楚我個心想咩,你話我無講真心話, 整到你個心又唔踏實, 令到你咁唔開心,真係好對唔住..

我唔知要點做先可以令到你相信我講ge說話..或者等我地相處耐d,等你了解我多左之後,你先會相信我對你係認真...

其實,我聽到你話好介意我以前的gf,我係應該高興ge..因為咁代表左你都好著緊我ge野..但我睇到你話你問我當你係咩?呢個說話,對我有幾hurt你知唔知呀?我唔介意你話我講ge說話係花言巧語,話我呃你..但我真係好介意你話我當你咩..我可以好認真同你講,我 當你係我女朋友呀!我亦都唔係係度騎牛搵馬呀,我唔會見一個鐘意一個呀..我答應你,我既然揀左你做我女朋友,我已經認定左你就係我愛ge人..我唔需要 時間去俾我諗清楚我對你ge感覺係點..無人比我更清楚自己ge想法..我鐘意果個係你!

可能,我比你ge感覺係果種玩玩下,時間耐左就會搵過第二個女仔,但我真係好希望你比d信心你自己同埋我呀..我相信時間可以證明到俾你睇,我係對你認真的..

其實我之前都同你講過,我追你之前都只係拍過好多次拖,我都唔係好知道鐘意一個人會係點樣..我一直都係咁覺得,既然我鐘意左你ge話,我就應該要好 好咁愛錫你,唔可以做d野令到你唔開心,而最重要ge就係唔可以呃你呀!所以,果日我都即刻問你會唔會介意我之前有女朋友..因為我唔希望我有d咩野暪住 你呀,我都唔希望係咁樣...