瑜今天約左我去睇優先場,張票本來係佢細佬的,不過佢細佬要去做童子軍,所以去唔到,益左我地兩個去睇,卡通片都係第一次係戲院睇,我呢種人都會睇咁可愛的片種,真的有點格格不入,不過偶而為之不失為一種樂趣!

原來今天我才知道瑜是沒有看過午炮,更不知道它的威力,我今天做了一次導遊,帶左佢去行遊艇會,同睇午炮,當時的震撼感覺跟從前一樣….從前吃午飯的時候,總會給它的聲音嚇得以為是什麼一回事,不過日子久了,就習而為常了….下午去了大埔,一個我年頭經常會去的地方,由不識路到自己會找捷徑,這底下不知用了多少時間,多少記憶呢?可惜是你負我,不是我負你,我今天在路上走的時候,我很想看見你,我想告訴你,我面對你面不會有愧色,而是你看見我,我真想你會有一個什麼的表情?

晚上同思遠一齊去了BBQ， 其實她約了我幾次我都在忙，這陣子安定了下來，就想見下她，看她會是什麼一回事？？工作怎樣，我唔會要佢叫一聲呀哥白叫的．．．今次晚上我都沒有吃到什麼 東西，只是一邊燒東西，一邊叫瑜吃，只要她喜歡吃我燒的東西就好了，我晚上回家仲吃了好多東西．．．．唔知今天瑜有什麼感覺呢？？唔知佢開唔開心呢？？

今天晚上玩遊戲對於我呢D視成敗如命的人，我都會樂於認輸是因為我唔可以俾自己女朋友人地玩？要玩，就玩我,保護佢係我的責任