尋晚同瑜傾到兩點幾，就的左佢去訓，我 想如果我唔叫佢去訓，可能佢會同我傾到天光，係唔係自已太理智，定係自己無投入呢？？好似次次我都好似趕豬仔個個？？幾時輪到呀瑜趕番我去訓呢？？我地今 晚講如果聽日邊個遲到就邊個請飲茶？？講個一下大家都知道個結果，差在估呀瑜會遲幾多，同埋今次又有咩理由咁？？

早上一早俾人叫左起身，雖然訓得幾個 鐘，天氣又凍，不過我為左尋晚個承諾，點都要頂硬上，換完衫出門口打俾佢，串佢起左身未，想不到佢咁快回我？等我以為今日唔使等佢，點知佢今日又遲，遲左 ５分鐘，因為唔記得拎八達通．．．紀錄在案先，等佢下次再用呢個借口的時候，可以話佢幾時幾時用過呢個借口，等佢無等抵賴！！今日同佢媽咪飲茶，佢媽咪絕 對無我媽咪咁多野講，由頭到尾我地講的說話不到５０句，呀瑜今日可以博大霧要我請，算！今次當請你媽咪，下次你就知死．．．．

今日下午搬屋，比想像中易搬好多，不過都係要自己體力勞動，成家人一齊搬，３個小時就搬好哂間屋，包括由舊屋去到新屋．．．愈睇我愈鐘意新屋的風景，６０樓居高臨下的感覺，真係好特別！！我想係市區有６０層或者以上的樓已經不多了．．．