火滾, 火都黎了, 呢個星期細佬日日偷野, 上個星期先俾人打餐勁既, 今個星期又舊態復萌, 本來無咩事, 真係唔想下下就講打講殺, 不過好似呢樣野對小朋友係最刻骨銘心的, 今日例牌都係30下….每次佢俾人打, 眼淚鼻水係咁流, 又真係好慘咁, 不過佢做既野, 唔係小過, 而係佢既年紀已經可以用罄竹難書來形容, 我慢慢覺得呢個年代的小朋友好似皇帝咁, 又唔打得, 又唔罵得, 點先可以令到佢對你言必聽, 令必遵~~ 都真係一個艱難的課題….
先前我覺得打佢佢會聽, 話佢佢會軟化, 不過依家覺得我之前原來係估計錯誤, 佢原來係一塊屎坑石頭, 又臭又硬….打死都唔認錯, 唉, 唯有改變下對佢的策略,佢講咩都唔會聽, 今晚帶佢去買野飲, 佢講咩鐘意飲既都唔買, 我記得小時候媽咪都係咁對我, 我唔聽話就咩都唔買, 咩都唔聽我講, 我自己咁頑皮都係用呢招….哈哈, 有好多野飲同野食, 不過細佬無得食…人地無得食, 自己有得食既野特別好味….
|
