呢個精品市場其實我一直都有留意, 不過一直都無出手, 因為呢度好多野都唔知個市場接受程度, 原來我做過參考, 呢d我所謂無聊野, 呢d野係香港原來都好渴市, 所以今次應該出下手, 唔係剩係做塘邊鵝….
今日買好多紅酒傘, 呢d係香港賣甘貴, 原來批發可以咁平, 我突然覺得香港個班友仔都食水好深, 係時候由我改變依家呢個甘變態的市場…哈哈, 講到自己好偉大….最後都係為左兩個字, “利益”
買完貨之後, 想去食野, 點知左揀右揀, 揀左打邊爐, 今日20幾度, 間店又無咩冷氣, 本來就想走, 入得黎, 就咁出番去又好衰仔, 所以都係忍耐一下, 食完就閃人算了, 不過出奇地好食, 牛肉真係好有屋企打邊爐的味道, 無啤水, 好有肉味, 而且服務仲好好…..上菜的速度都幾快, 當然, 因為係生的, 所以慢極都有個譜….不過我地要快少少食, 因為要趕住返去湊細佬, 所以食到大汗疊細汗, 最後都係遲左去接細佬, 仲趕餐飽….唉, 早知都係唔食好過, 跑完之後咩都俾番哂出黎….無奈….
|
