今日個電話出奇咁靜, 我訓到2點都無人打俾我, 係因為瑜太忙, 細佬太飽….非也, 而係我個電話收唔到, 當個電話可以接收信號的時候, 瑜有兩個SMS找我, 細佬就一個都無….咩事呢? 肚餓應該會找我, 點解佢唔找我呢? 一大堆問號?
打俾瑜先知今日原來AUNTIE放假, 唔怪之得細佬唔找我啦, 因為有人俾野佢食…反正有人看住佢, 今日我做埋我自己的工作先….晏少少先去佢個度….今日整埋D野, 食埋下午茶, 去到細佬度都差不多5點了, 今日佢都係出奇咁靜, 無要我帶佢食野, 我就知應該食左唔少野, 我提下佢, 你唔肚餓咩, 佢就話要我帶佢食野, 佢就好浮誇咁話好肚餓好肚餓…..
點知俾我以動制靜,XXX左佢兩句之後, 即刻又回復到好似死狗咁…..
今晚佢病, 所以特赦左佢可以準時食飯, 不過我今日俾佢準時, 唔代表佢日日可以準時…..今日拎左上次係東門買的蘭香子出來玩, 呢D蘭香子即係黑珍珠, 以前同姐食糖水的時候, 姐成日問我, 我都答唔到, 依家知道原來蘭香子即係羅勒子….都幾好食, 又好玩, 個口感係用一個新的形容詞, 滑脆….下次可以買一大樽回來….
|
