呢兩日返屋企都攪到差不多天光先訓, 梗係, 細佬放假, 我就陪足佢咁耐, 有好多野都唔可以係佢面前做, 所以要等到夜晚落班先可以番屋企攪….
尋晚又攪到4點幾, 今日如果唔係要去細佬度, 我想我會攪到天光, 今日早左起身, 1點, 哈哈, 尋日2點….今日去左身之後就煮左飯, 同升爺食完飯先出門口, 我出門口個時佢已經走左….今日佢要番工, 所以手尾就我做啦…反正今日AUNTIE都係屋企, 我遲少少去都無問題…..
今日細佬去到, 都係咁, 無咩改變….其實都預左…如果佢好乖, 我反而有點怕….寫小字我今日示範左俾佢睇, 小字應該點寫, 等佢成日話無可能, 咩叫無可能, 睇你肯唔肯去寫…..今日細佬就俾我用新的方法教寫小字, 就係痴埋D筆畫就寫一個字係面上面, 如果筆劃的粗幼不同, 就一筆一筆咁計….今日細佬就做左一個大花面…..
晚上升爺打俾我話有汪明荃演唱會飛, 問我有無興趣, 我就梗係無興趣, D老鬼演唱會就係俾D老一輩睇….我打左俾五姨媽, 佢話有興趣, 我打俾升爺FIRM….當叫回禮, 上次係廣州請左我地吃飯….
|
