今日細佬終於有得玩, 就係去踐單車, 唔知細佬平日咁精力充沛, 去到踐單車係咪會唔見左影呢, 今日下午先同細佬去大水坑租單車, 升爺話第一間係黑店, 所以我地去左入少少的個度有幾間, 一入到去, 有個靚妹行埋黎SELL我, 好好SERVICE, 其他的就闊佬懶理, 所以我就幫襯左佢…30元ALL DAY, 兩個人60元, 叫左細佬揀DUM頭, 點知佢揀左架爬山單車, 無奈….呢D單車好睇唔好用, 因為車身重, 踐死罷就….我就揀左架DUM頭, 一起步就快細佬幾十米….唉…..今日真係龜兔賽跑….
我自己已經好多年無租單車踐了, 不過之前成日就係錦繡踐單車, 所以都唔叫生疏, 不過風景就變左好多, 以前都無科學園, 依家都起好左…..仲有一條好靚的海濱長廊, 細佬勁攪野話帶左熱水去沖即食面, 我想係屋企拎黎之後踐單車踐左成個鐘, 咩都凍哂啦, 點沖呀….佢就話有少少熱, 我話你咪試下沖, 不過最後我話入到大埔有野食….就無沖到…
去到食野, 細佬本來話無胃口的, 點知我叫左一份西多士, 凍檸茶俾佢, 佢食哂之後仲食埋我食左一半的乾炒牛河, 暈….甘叫無胃口…..
踐左3個幾鐘, 我就叫細佬番屋企了, 唔踐了, 佢就話要踐多一陣, 細路仔就係咁, 永遠唔知自己用左過頭力, 番到屋企佢先知....累死左….
|
