細佬覺得今日係值得慶祝的日子, 因為今日佢終於考完試了, 不過我好想話佢知, 考完試人地係值得慶祝, 而佢就係辛苦的開始, 通過今次考試, 我知道佢有幾多斤兩, 佢的成績真係要惡補, 黎緊要針對性去攪….
今日去左宜家度行, 細佬就應該最掛住呢度d汽水, 佢本來要食飯的, 不過我就話可以試下批, 反正都係hi-tea….. 細佬就要左蘑菰吞拿魚批+牛角包, 我就要左個雞批…..我地食完係宜家行左一陣, 之後去左mega box行東九龍電腦節, 好鬼多人, 不過d野都唔係太平, 好多平時出面做的價錢仲比佢平, 所以行的人多, 買的人就唔係咁多…..跟住我地又去左九展睇車展…
一邊行一邊等瑜放工, 今日瑜交收個時, 要左等右等, 整到我同細佬都要等埋一份, 應該番去加多句野係自我介紹, 如果愈時15分鐘, 交易取消, 改為郵寄…..唉…d人覺得你等佢係應該的咁….呢d人真係大枝野….
|
