今日一早校左鬧鐘, 本來唔使咁早起身, 不過中午要去湊細佬, 所以早上去整左部機先, 唔知要整幾耐, 呢個係第一個原因, 之後又要拎去瑜屋企放底先, 無理由拎住部電腦去細佬學校, 一陣俾人衝部電腦, 真係無仇報….所以早點整好, 對邊方面都好….
整電腦個個人都好好, 肯幫我整番好….仲叫我唔使緊張, 好小事, 你梗係小事啦, 我一陣俾人哦係大事…..以為要format部機, 原來都唔使, 換左隻火牛就無事了, 今日去幫佢整番d線應該無問題了….之後今日去湊細佬, 本來打算出去食的, 不過lunch時間, 周圍都係人, 本來想去金百利食, 點知係門口見到佢班主任, 寒暄左兩句, 之後都係覺得返左屋企出去買外賣好似好點….番到屋企放低野, 細佬換左件衫, 去左波仔到買飯, 食完飯之後, 我最唔想見到的事情發生了, 就係細佬飯氣攻心, 訓左….聽日都係唔好俾佢食咁飽….
下午等auntie回來, 我就去拎電腦俾人….整好d線, 幫佢set番打機的野, 好快八點就攪店了….我番左去, 瑜都未到…..食完飯幫細佬溫左一陣書, 我都返屋企了, 叫佢早點訓, 聽日先有精神考試…..
|
