今日開始就係細佬的呈分試, 不過呢個呈分試, 眾說紛紜, 有人話重要, 有人話唔重要, 重要的已經交哂上去, 呢個只不過係學校的排名次而考的試…我對細佬的中學唔敢抱太大的期望, 不過今次考試都叫盡力….
因為考試, 所以會早放, 今日12點半就去左接細佬, 點知一去就俾人話俾我知,佢同同學玩, 跑來跑去, 所以俾班主任罰執垃圾, 佢俾人罰完, 就未俾我罰, 懲罰都係無飯食….呢招係舊, 不過對佢就最work….
下午佢都係死下死下咁溫書, 不過無飯食起碼佢唔會訓覺, 到下午唔好講佢, 我都有回肚餓, 出左九龍灣宜家到食意大利粉, 佢都係第一次去呢個地方, 我同瑜都去過兩次…..呢度最吸引佢, 一定係汽水任飲, 今日佢咁肚餓, 食完野, 飲左5杯汽水, 一杯打包, 我就飲左兩杯咖啡, 一杯打包….之後拎充電器俾瑜, 拎埋杯咖啡俾佢, 我就同細佬番屋企, 繼續溫書…..晚上德哥打俾我話部機唔係好得, 我就過左去拎番部機….點知去到….個火牛係我面前燒左…仲出埋煙…都幾誇張…聽日拎去俾人整….仲有個保養期未過…
|
