今日清明節, 唔黎過都唔知原來油塘清明係咁旺…多人過係旺角mtr….見到d人今日好孝子賢孫咁去拜山….想下, 自己呢個節日都無咩山可以拜….香港唔係未拜過山, 不過好細個去拜過…不過印象中…好大煙….同埋好熱…不過今日剛相反…好清涼….有少少毛毛雨….
清明時節雨紛紛, 細佬今日成日都講呢句野, 原來佢係想同我講今日清明, 所以唔使去童軍, 早講, 今日唔使係屋企呆啦…下午同佢出左觀塘行下卡片個d, 點知今日觀塘水靜鵝飛….想行下波鞋都無得行….算, 之後行左去觀塘街市, 呢度買送都ok平, 不過最平都係ssp, 今日突然間想打邊爐, 所以我同細佬走左去買送, 買左好多海鮮, 仲有雞, 有菜, 仲有草菰, 之後就番屋企整個湯底, 蕃茄大眼雞湯底, 煎好左魚切幾個蕃茄攪店…..
之後落商場同細佬HI-TEA, 同買左好多丸, 都係暴漿個D…其中一款芝士味好濃, 可以大量買入…下次打邊爐, 剩係買佢都夠了….
|
