平日相處，任講天南地北，你地見到嘅都只係我表面，但又有邊個會真正明白我嘅琳法咧。
有時，我係一個偏執狂，想將任何事情都按照我自己嘅琳法去結束，去完成，達到完美效果。情感方面，我對友情親情愛情一切嘅感情都無比重視，哪怕係無絲毫意義嘅情感我都會極力挽留，原因係，我想得到其他人嘅認同，但由此伴隨而來嘅係，無法容忍一切嘅背叛，欺瞞，坦白甘講，從我認知哩個世界一切事物開始，真正被我認同為真正朋友嘅，真係無幾個，其他人我都係無時無刻喺度戒備着，對於果一絲一毫嘅背叛欺瞞我都會有好大反感，所以我之前喺《陰暗面》裏面提到嘅孤獨無助的確係發自我内心寫出黎嘅，可能你地講得無錯，我真係好懦弱，喺感情方面我的確係懦弱無能。
有時，我又係一個自私狂，就算事情發生再大嘅變化，與我無關嘅事我都唔會在意，哪怕事情影響大到涉及全世界嘅人，只要無影響到我身邊嘅人同埋我，我都唔會在意。關心，哩個詞，只會出現喺我重視嘅人身上，面對一個我對距無絲毫情感嘅人，我只會冷眼視之，猶如陌生人，就此擦肩而過，所謂事不關己，己不勞心，爲何我要去管人地嘅閒事咧，可能更準確D甘講，我其實係一個冷血之人。
偏執，令我對一切情感為之瘋狂，自私，令我好似旁觀棋局嘅人，漠視一切。
此為我明白中所悟。
|
