終於有時間打blog啦,第一天, 乘坐港龍航空, 是日飛機餐有蝦餃,燒賣,牛肉,小籠飽+蘿蔔糕

到達台北後, 我們坐飛九到酒店那區, 落車後私機大佬叫我們可以坐計程車或步行到酒店, 但的士大佬的樣子十分兇惡,所以我地一直拉住行李往前走, 一會兒, 終於見到捷運站(板橋)啦, 我們詢問站台的服務員酒店既方向, 她亦指向前方, 我們走出了捷運站, 便繼續向前走, 真的很累了, 條街又大塵, 又多電單車, 行李又重

呀....終於望到遠處既酒店啦, 開始有一點兒擔心, 因為酒店既外牆唔太ok啦, 好無奈地繼續向前走,  差不多到酒店既時候, 心情當然想快d入去放底d行李先啦, 但最surprise係, 原來酒店附近有一個捷運站(府中), 原來我地足足走了一個站啦, 點解頭先站台那位服務員,唔叫我地坐一個站呢???不過, anyway, 都開心, 因為至少都解決到之後幾日出街既交通問題,更加方便

我們走進了酒店既大堂, 都幾骨子, 服務員又有禮貌, 不過因時間尚早,未可以check-in, 所以我地決定先放下行李, 然後去附近食小小野, 順便行下啦........     其實都幾開心, 因為原來酒店附近已經有好多店舖啦, 如果, 酒店真的很偏僻便可憐啦, 我們因為走了很多路, 很熱, 所以選擇到"鮮芋仙"食刨冰, 好多人呀, 足足等了廿多分鐘, 不過都幾好食 ,刨冰細緻綿密,盛裝的器皿也很大器,大大的碗公,容你盡情的攪和 ,也不怕冰水掉出來,食過這一大碗冰, 之後行下行下, 買左d化妝品, 便回酒店了, 入到房間, 真的嚇了一跳,有dvd機啦,靚靚電視機啦, 床頭是有一部液晶體既控制器, 可以看到世界時間,控制 冷氣,燈光.... 而浴室的牆有一塊大玻璃, 仲好乾淨tim,所以真係估佢唔到呀,  雖然酒店既外牆真係唔太ok, 但入面真係好good呀,不過佢地安排左一張雙人床比我, haha....之後我地又出動啦, gogogo........

第一站, 當然去左當地很著名既台北101啦, 我們先吃一點東西填填肚,便逛逛超市&四處逛逛店子, 之後我們上了5/F既售票處, 因為密友J係畏高的, 幸好這台升降機是密封的而不是落地玻璃, 所以我們可以買飛lu...yeah, 架升降機真係好快呀,係世界金氏紀錄最快速恆壓電梯，每分鐘1010公尺的速度，37秒即達89樓觀景台啦, 好堅呀....我們每人買了一杯ice-cream, 聽住耳機既介紹台北, 一邊食ice-cream,一邊欣賞台北既夜景, 正(其實經由89樓樓梯可達91樓戶外觀景平台,但要再買飛,此樓層將不定期對外開放,要受限於天氣狀況)

第二站, 我們到了新光sogo逛街, 商場面積很大, 座數很多,係台灣百貨業既表表姐

第三站, 饒河街夜市, 來到饒河街夜市我們品嚐台灣街頭小食,而排最長龍既係福州世祖胡椒餅的攤子,擠滿了人,他們均是為了一嚐皮酥味美餡實在的胡椒餅。老闆說餡內的肉都要先醃上12小時，再加上10多種配料，而胡椒粉則是使用印尼進口的，所以別具風味。更重要的就是烘烤時火候的掌控了，每次的時間大約 15 ~20分，要使得胡椒餅烤得剛剛好，不軟不硬，可就是老闆的秘訣啦., 不過mi唔食韮菜,但都很欣賞這個餅皮, 不過食既時候要小心呀, 因為餡內的肉好juicy和好熱, 小心燙口呀, 而密友就愛吃"一口腸"呢

敢就過左一日啦, 我們便坐捷運返酒店教教豬啦