朋友--以前我會覺得自己身邊有好多朋友,但慢慢開始,我發現原來我係一個無乜朋友o既人,有時遇到唔開心o既時候,拎起部電話,但往往都唔知可以打比邊個...後來我先發現,原來朋友係唔需要多,只要係對我真心o既朋友,一個已經足夠;相反,酒肉朋友,一個我都厭多!!所以我覺得自己好幸運,因為我已經唔止得一個知心好友!!以前我會覺得自己係一個好稱職o既朋友,因為我好樂意主動去關心佢地,主動去同佢地傾計,但宜家o既我,開始覺得自己連照顧自己o既能力都無喇...更何況去照顧其他人?!!

      以前,佢地唔開心搵我傾計,我可以比好多意見比佢地,可以好有心機陪佢地慢慢傾,但唔知點解,宜家...我做唔到好似以前咁,唔係因為我已經唔關心佢地,而係我每次聽完之後,我再比唔到d乜意見佢地,我個腦好似一片空白咁,最嚴重o既時候,我明知對方係想搵人傾訴,我逃避唔去聽佢電話,我唔係因為覺得佢煩,而我覺得自己有心無力...我連自己o既事都處理得唔好,我又可以點去教其他人呢?!!可能係我d朋友心目中,我以前會係一個好堅強o既人,甚致我自己都係咁認為,但今日o既我已經唔係喇...因為我覺得自己已經撐到好累,我好想休息......我係到同所有我曾經冷落o左o既朋友講句"對唔住",其實我個心裡面仍然都係好關心,好愛你地o架!!!無o左你地o係我身邊o既話,可能我已經唔知變成點喇~~朋友相處之道在於互相關懷,互相鼓勵,互相扶持真正o既朋友唔係只求大家吃喝玩樂,而係應該用心去對待對方,對方開心o既時候,你見到都會為佢開心,對方難過o既時候,你會願意去同佢分擔!!!