今晚同一位阿姨同埋佢仔仔食飯，呢個仔仔係唯一係我認識既朋友之中，樣貌似細過我，但實際年齡卻大過我少少既人，係我既朋友中的確好少，而且仲份屬同輩添，所以每次見到佢都攪笑，因為佢媽都話我地好似。咁事源呢個冰皮新食法就係呢位阿姨諗出黎既，話說有一日佢係公司做野，but又無買野食播，又唔可以離開公司，於是佢就走左去抄雪櫃喇，結果就俾佢發現到有8包美心冰皮月餅，原來係用黎拜神既，不過由於呢位阿姨實在太肚餓喇，所以呢就決定羅一包出黎食喇，但羅左出黎之後發現個冰皮好似有D硬播，咁點算呢？

      正當大家都以一個正常既諗法：放一陣再食。呢位阿姨已經將個冰皮月餅放左入微波爐叮喇..............以上就係佢個人向大家展示既冰皮新食法喇。