近呢幾個星期, 我都好少即日就打到日記, 一係就因為好累唔想打, 一係就因為見到個keyboard就唔識由邊到開始打好, 有時真係唔想打落去, 但係我同自己講過, 你就咁就放棄了嗎??不會啦, 我覺得就算點辛苦, 我都會完成我的日記....

今日同左爸媽, 升爺同端去左食飯, 唔知點解呢, 每次同端去左食飯, 都會吵吵鬧鬧咁, 呢d係唔係叫宿命, 定係詛咒呢? 不過我承認自己有時都幾乞人憎, 同人行街, 但係個心唔知飛左去邊, 不過真係唔到我唔煩, 我大個啦, 唔係成日要想點整人, 點去洗錢, 而係應該想下成家立室, 仲有將來啦....好多野想, 有時係街上面見到d人好幸福咁拖住個小朋友, 我想我幾時都會有番一個, 仲有既係, 我會想係唔係首先自己應該有做爸爸的條件呢...唔係一個大不良, 生一個小不良, 咁咪match做一對"大小不良"~~

今日都唔例外, 食完飯行下街都同端嘈一餐, 其實我真係好唔明自己諗咁多做咩, 兩個人一齊想的就是為了一剎那間的快感嗎??更多的不是往後的生活嗎??未來的好多問題, 你有否想過...??