好早就醒左...應該都未夠6點, 我一開眼就見到老婆, 不過老婆比我更早起床, 有時真係覺得老婆係唔係人黎架, 我夜晚訓個時佢又未訓, 佢又醒早過我, 有時真係服左佢.....

今天去樟木頭....計番真係有一年無去樟木頭, 番到去...真係有一種心酸的感覺....我同呀明講既野, 我實現左啦, 我3年之內要上財經版, 我用左唔夠一年做左yahoo的十大拍賣王而上左財經版, 今年會因為ebay本來有機會上多一次, 不過我覺得我做到了, 我再做又點...做左你又唔知.....今日係身邊的是苡端, 唔係妳...講真....好可惜...因為無機會俾你見到我既成就....

今天同老婆係我以前同你一齊的街上行....我真的好想你出現, 因為我好想你知道我今天真的做到了...我無呃你, 我真係做到我的承諾.....見到樟木頭好多野都變左, 好多野都唔係以前咁, 不過見到朋友...真係幾開心....朋友請我飲茶..原來有一些東西, 不管多久都會恆久不變....原來是友情....

見到伍曉燕, 仲叫左佢一聲燕姐, 佢著得好成熟....戴左眼鏡, 寒暄了幾句, 知道她原來做了媽媽, 生左5個月咁耐....個一下好像覺得自己知得太遲, 但魂魄回來時, 佢有左bb關我咩事....

5個月, 5個月....我成日係度想, 明依家有個外甥...唔知會唔會定性呢....希望佢真係可以放下, 好好珍惜佢自己, 我依家有左苡端, 我無咩可以再為佢做, 不過我只想祝福她一下.....