今日唔知點解, 突然間好想煲湯俾老婆飲....不過又唔知煲咩好...想煮下野食都幾難架, 因為老婆又唔係一般人, 呀豬呀狗, 老婆依家又keep緊, 油鹽高卡路里既..都唔使預佢, 但係真係好難想點煮野食俾佢....但難唔表示我無方法, 我一向都喜歡向難度挑戰既...整左一個粉葛煲豬骨, 要煲呢一個湯唔係好似睇電視咁, 將所有材料放哂入去煲就得....

首先要將豬骨飛一次水, 之後將塊葛整乾淨, 要放係水入面, 唔係葛會氧化, 就唔好睇, 同埋唔好食, 煲湯一開始就要用最大的火等佢滾左, 之後用慢火, 慢慢煲, 唔可以滾, 因為滾就會好易乾水, 最後就快飲既時候要走油, 因為老婆要keep....

之後煮左個菜俾老婆, 門鱔炆蘿蔔, 都是一個考心思的菜, 因為全部一鑊熟就死得....因為鱔本身有腥味, 同埋蘿蔔如果唔預先處理, 煮十年蘿蔔都唔會"林", 如果蘿蔔係未熟透落鹽, 就會苦....所以呢個菜要分十幾個工序, 最後仲要慢火炆先得....

唔知老婆食到菜的味道之外, 仲有我的心機呢???