今日訓得好多, 有14個鐘都訓係床上面, 因為去左幾日內地都無咩點訓...有時都唔知係去玩定係去受罪咁....整到自己咁累....下次應該好好咁plan下...去玩唔應該好累, 而係應該好好的enjoy下另一種生活, 另一種休閒....

晚上同老婆去左食魚蛋同食生菜魚肉, 不過老婆都無咩點食, 可能我太急想佢試到我講既野....忽略左佢做完treatment之後要2個鐘先可以食野, 整到大家都唔知點咁, 今晚突然落雨, 我都唔知點好, 因為今晚仲想去玩下...叫左升爺拎傘俾我, 今次叫佢好似好順利咁, 因為佢平時一定唔肯拎俾我....叫我番屋企拎, 所以真係有少少喜出望外.....

老婆今晚係咁出冷汗...問佢點, 佢又無出聲, 無答我, 個一下真係唔知點.....同左佢食少少野, 佢仲想去行街....真係變得快d女人...有時都唔知係唔係自己太過緊張呢?

契媽今晚打俾我, 我知道要發生的事始終都要發生, 都要解決, 不過我唔想咁快, 話哂佢地氣沖沖, 都係等佢下左氣先...唔係一陣硬對硬就傷左大家的感情...所以今天晚上辛苦老婆~~要做我的接線生....

今晚老婆去左增值八達通, 我好想講, 不如我幫我增, 不過佢唔講出口, 我唔會幫佢充, 我唔想佢覺得我好似睇佢唔起咁....我覺得香港女仔係有佢地一定的獨立性...唔會好似內地女仔咁依賴....不過唔知係唔係之前做開幫佢充值....有少少不知所措咁....