今日老婆去左拜山, 無時間陪我, 又見唔到佢, 不過有時咁都幾好, 我可以掛住佢多點, 少別勝新婚, 不過講真, 有時成日見都未必係一件好事, 就算兩個人結左婚, 都應該有自己的空間, 而唔係死纏難打咁, 對方只會無癮, 什至會討厭你, 雖然對方沒有說出口, 好明顯佢都會交足戲俾你, 但係有意思咩...對方的一個苦笑, 我覺得對我而言比佢真係嬲仲來得不知所措....

今天做完了工作之後, 沒有什麼事都不想到外邊, 乖乖的呆在電腦前面...等老婆回來跟我聊天, 老婆今天一早就回來了, 仲話等左我好耐....我以為佢要好耐先返...仲專登慢慢咁行...慢慢咁做野.....老婆知我做緊野, 都沒有打電話俾我...抵錫.....

晚上煮飯仔, 有時我好鐘意慢慢的煮菜, 因為係過程中可以感受到烹飪之樂, 好似今晚煮的豉油王雞脾, 其實不就伯豉油+雞脾, 如果真係咁做....就唔好食啦..更加唔可以叫豉油王雞脾啦....豉油一定要係頭抽, 先把雞脾用中火浸熟, 而唔係煲熟, 呢個係好大分別的...浸係好似幫佢浸溫泉咁. 而煲因為火猛, 皮肉好易收縮, 快得來但肉就會"鞋", 之後浸完要放在冰水過冷河, 重覆做4-5次, 之後再放入豉油浸泡2-3個小時, 唔可以過早或者過久, 因為早會唔入味, 耐就會好咸...浸完之後再煎就會好好味架啦, 雖然係一樣簡單的菜餚,但都要用心機, 時間先會好味....