今天本來打算跟老婆去大陸, 傾到6點幾, 本來約左9點等, 不過7點幾打過電話俾老婆, 無人聽, 我知老婆應該訓左, 不過好想佢陪我去大陸玩, 因為平時我都係自己一個人返大陸, 一個人又係大陸返黎, 如果有人問我點解咁想有人陪我返, 我可以答佢, 就係呢一份空虛感, 我真係好怕自己一個人上, 一個人落....

點知老婆訓到10點半先打俾我, 我先知原來真係訓左, 唔知醒, 個一下真係唔知嬲佢好定唔嬲佢好, 今日本來約左朋友係水都玩, 不過打算陪左老婆先, 夜少少先上去搵佢地, 下午2點幾入到老婆個邊, 同老婆為左幾個問題又吵了一架, 我知老婆好想我陪住佢, 不過個一刻自己可能唔夠訓, 所以特別火, 鑽左牛角尖, 不過鬧到佢喊, 之後等佢出黎....

個半個鐘係個商場到坐, 見到好多拍緊拖既人都開開心心, 相反我地....結果我都係重色輕友, 我都係決定陪老婆去睇戲, 之後去食飯, 今日老婆係我身邊, 唔知佢有咩感覺呢?