凌晨時份, 其實今日真係好累, 又要陪契娘買電腦, 又要格價, 又要幫佢跟, 契娘係一個電腦白痴, 有時會用下佢上網, 有時會用下佢搵資料既, 不過大部份時間都係佢男朋友用, 契娘真係為愛情都幾偉大....一個"愛"字要俾幾千元....真係佩服佢~~

不過仲未可以訓呀, 因為要幫佢check下software裝齊未, 點知真係未齊, 自己又要死死氣咁裝番, 鬼叫自己應剩左佢咩, 通頂天光都要啦, 點知真係通哂頂, 早上約左契娘, 契媽飲茶, 今早老婆一早去左茶樓, 反而我呢個做人契仔既仲遲左去, 真係失禮, 今日老婆見識到我兩個媽子的威力了....真係由頭笑到尾.....

今日累不過老婆咁遠出到黎, 要佢一個死死氣咁回大埔, 我自己又唔忍心, 自己可以做到的, 做多一點又何妨呢, 唔訓一陣又唔會死....所以去左唱k, 睇戲, 盡量刺激點, 唔好俾自己訓, 係戲院擁著老婆睇驚嚇片原來一點都唔恐怖, 反而有少少warm....變左溫情片, 我想如果我的影評俾套戲的導演見到, 佢真係會嘔血....呵呵~~

今日老婆介紹我俾人識個時....我真係好開心.....唔知係唔係得到認同....特別興奮, 就算係KCR到訓, 都特別好訓....訓到過哂龍....都係少有的事情...

今晚俾左個QQ老婆啦....好想同佢講兩年前有個傻人開左個QQ, 本來打算俾佢女友用的, 不過佢女友一點都沒有珍惜過他每天掛Q,每天幫她打理她的QQ, 到後來分手的時候, 曾經要求過把QQ給她....當是分手的最後禮物, 不過個個傻人沒有這樣做, 因為覺得她跟本沒有為這個QQ盡過責任, 更不要說是付出, 今天QQ真的有了她的主人了...個個傻人的老婆....希望她會好好照顧它...因為這個QQ有哪個傻人的很多心血