今日一早返去, 又撞到衰人, 都唔明點解佢仲可以生存到依家, 呢條友都唔知係咪聽野有問題, 定係我地講野有問題, 但如果話我地講野有問題, 我又可以同其他人溝通, 所以我覺得自己係無問題, 係佢的問題…..

 

今日做的是上白油, 做禮堂後樓梯, 本身我都唔係好識做三行呢煩工作, 不過做左咁多日義工, 有導師教, 都有點心得既, 所以今日好多人都問我點做, 叫我教下佢地, 我話教就唔敢講, 不過大家可以研究下, 呢d都係門面說話, 心底里好像ken成日講個句, 死cheap仔, 咩都唔識~~

 

到下午我真係忍唔住話個個衰人幾句, 佢整到成地都係油, 頂佢個肺, 唔做野都唔好攪破壞呀, 明知我做清潔, 整到成地都係, 即係玩野者….自己滴油自己擦, 清潔係執漏的工作, 呢句野係呀sir講的 之後我就俾人炳, 話你唔好做哂d野, 你要俾人分擔下你的工作先得架, 你個report我已經寫得好高分, 唔可以再高架啦, 再高就要俾人叫上去解話….聽到佢咁講, 個心都甜d, 起碼做左野, 真係有收穫